Bu nəğmələrin böyük qismində sirli-sehirli, nağıllı-nəğməli "gül bağçalardan" söz açılır və o "gül bağçaların" ab-havasını, ətrini gətirən bu kitabın əvvəlcə Ankarada, Türkiyə türkcəsində çap olunması da yəqin bir tale işi idi.

Həm konkret problematikası, həm də Türkiyə türkcəsində nəşri "Azerbaycan düğün türküleri (Toy nəğmələri)" kitabının türk xalqları arasında geniş rezonans yaratmaq imkanlarını elə bu başdan müəyyən eləmişdi. Həmin nəşrə "Ön söz"ündəki bir fikrində Nail Tan, şəksiz-şübhəsiz, haqlı idi:

"Azərbaycan toy nəğmələri müxtəlif nəşrlərə mövzu olmuş, ancaq geniş miqyaslı bir kitabda toplanmamışdır. Bu çatışmazlığı görən Azərbaycan Milli Elmlər Akademiyası Nahçıvan Bölməsi İncəsənət, Dil və Ədəbiyyat İnstitutunun direktoru professor Əbülfəz Aman oğlu Quliyev əlimizdəki kitabı hazırladı. Öncəliklə, Türkiyədə yayımlanmasını arzu etdi",

Zaman-zaman oxunan, nəşr edilən məşhur toy nəğmələri ilə yeni toplanmış nümunələrin də geniş miqyaslı bir kitabda toplanması niyyəti Azərbaycan MEA-nın müxbir üzvü Əbülfəz Aman oğlu Quliyevin milli ziyalılıq borcuna qeydsizşərtsiz münasibətinin göstəricisidir. .