Nəriman Nərimanov Ve Türk Xalqlari

Əmir Teymuroğlu

Baki

2006

160s

TÜRKLER

Nəriman Nərimanov Və Türk Xalqları

Respublikamız dövlət müstəqilliyini bərpa etdikdən sonra, cəmiyyətimizdə baş verən tarixi -siyasi və sosial də-yişikliklər milli ədəbiyyatın inkişaf problemlərinə yenidən baxmağı tələb edir.

Bir zaman məlum ideoloji-siyasi yasaqlara məruz qalmış türk xalqları mədəniyyətlərinin qarşılıqlı təsir və bağlantılarının obyektiv öyrənilməsinə müasir dövrdə cid¬di ehtiyac duyulur.

Bu baxımdan böyük ideyalar naminə yazıb-yaradan, əsərləri türk xalqlarının ədəbi-mədəni tərəqqisinə güclü təkan vermiş N.Nərimanovun yaradıcılığı böyük maraq doğurur. Onun Şərqin türk xalqlarının ədəbiyyatı tarixində oynadığı rolu, çoxcəhətli fəaliyyətinin miqyas və parametrlərini, parlaq şəxsiyyətini, misilsiz ədəbi-ictimai və tarixi xidmətlərini öyrənmək, ədib haqqında həqiqətləri yenidən üzə çıxarmaq olduqca əhəmiyyətlidir.

Qeyd etmək yerinə düşər ki, indiyə qədər aparılmış tədqiqatların əksəriyyətində N.Nərimanovun yaradıcılığının müxtəlif aspektlərinə dair elmi fikirlər və mülahizələr yürüdülsə də, ədibin Şərqin türk xalqlarının ədəbi-mədəni tərəqqisində yeri problemi indiyə qədər ayrıca elmi şəkildə araşdırılmamışdır. Halbuki onun bu problemlə sıx bağlı olan həyatı, mürəkkəb yaradıcılıq bioqrafiyası, par¬laq şəxsiyyəti, misilsiz ədəbi-mədəni və ictimai fəaliyyətinin geniş və dərin tədqiqata ciddi ehtiyac duyulurdu. Məhz buna görə də, N.Nərimanovun ədəbi-mədəni və icti¬mai fəaliyyətinin xıx yüzilliyin sonu xx yüzilliyin əvvəli dövrünü əhatə edən konkret tədqiqat obyekti kimi götürmək zərurəti meydana çıxmışdır…