Türklərin Tarix Və Mədəniyyətinə Bir Baxış - Cavad Heyət

Əski Türklər barəsində qədim Çin və Bizans mənbələrində olduqca məlumat vardır. İslami mənbələrdə də türklər haqqında, xüsusən onlar müsəlman olandan sonra, təfsilatlı məlumat verilmişdir. Avropa tədqiqatçılarından bəziləri bu barədə çoxlu araşdırmalar aparıb, qiymətli əsərlər yazmışlar. o cümlədən məşhur rus alimi V.Bartold bir ömür mütaliə və təhqiqatının nəticələrini 1927-ci ildə Türkiyə dövlətinin dəvətlisi olaraq İstanbul Universitetində bir il ərzində Orta Asiya türkləri tarixi dərslərini vermiş və bu dərslər kitab halında əski türk elifbasile' çap edilmişdir. 1969-cu ildə məşhur fransız alimi akademik Rene Qrusse (R.Grousset) «Bozqır imperatorluğu» (Empire des Steppes) başlığı altında əski türklərin tarixini yazmağa çalışmışdır.

Türkiyə və şurəvilərdə türk tarix, dil və ədəbiyyatı mütəxəssisləri də son zamanlarda əldə olunan mənbələri tədqiq edərək, bu sahədə qiymətli əsərlər nəşr etmişlər. Bu gün dünyanın mütərəqqi ölkələrinin universitetlərində türkoloji bir elm şöbəsi qurulmuş və türklərin dil, ədəbiyyat, tarix və incəsənəti haqqında tədqiqat aparılmaqda və bir müddətdən bəri elmi-tədqiqi əsərlər nəşr edilməkdədir. ..