Xəlil Rza Ulutürk XX əsr Azərbaycan ədəbiyyatının görkəmli nümayəndəsidir. o, Azərbaycan poeziyasında orijinal ədəbi simadır. X.R.Ulutürk ədəbiyyatda türkçülük, vətənçilik, azərbaycançılıq və istiqlalçılıq məfkurəsinin davamçısıdır. Onun poeziyası milli ideallarla aşılanmış, xalq məfkurəsi və taleyini daha ciddi əks etdirmişdir.

Sənətkarın yaradıcılığı ilə bağlı M.Arif, M.Cəfər, İ.Şıxlı, Ə.Ağayev, B.Nəbiyev, Y.Qarayev, T.Əhmədov, B.Vahabzadə, Qabil, M.Araz, Q.Qasımzadə, Q.Xəlilov, Ş.Salmanov, S.Tahir, H.Orucov, G.Fəzli, S.Əliyev, R.Duyğun, A.Hacıyev, C.Abdullayev, A.Hüseynov, Y.Axundlu, T.Əbülhəsənli, C.Novruz, T.Əlişanoğlu, R.Əliyev, M.Məmmədov, S.Altaylı, Ə.Mustafayev və başqaları məqalə yazmışdır.

Şairin poeziyasına münasibət bildirən alimlər sırasında akademik M.Arifin adı xüsusi qeyd olunmalıdır. Poetik nümunələri mətbuatda təzəcə dərc olunan şairə ilk dəfə münasibəti 0 bildirmişdir. Alim «Yeni nəsil» (1954) məqaləsində X.Rzanın da adını çəkmiş, ona münasibətini bildirmişdir.