Bağış

Turuz masraflarını karşılaya bilmemiz için yeni yılda Turuza destek olmak için [email protected] ile irtibata geçin.

Bağışlarınızı bu E-postaya bildirin: [email protected]

Bank kart bilgileri:

6104 3373 5031 8547

Iran Millet Bank

تئلیم خان حیاتی و یارادیجیلیقی – م شبیسترلی – علی کمالی - TELIMXAN - Hayatı Ve Yaradıcılıqı - M .Şebüsterli - Ali Kemali

3721
0
2016/11/14
Oy Sayısı 1
Oy Sonucu 5

TELIMXAN

Hayatı Ve Yaradıcılıqı

M .Şebüsterli - Ali Kemali

تئلیم خان حیاتی و یارادیجیلیقی 

 

م شبیسترلی – علی کمالی

 

تئلیم خان و ادبی ارثی

رضا همراز

اولوم گرکی دیر اوز کیم لیگینه   

 قایغی سیز ؛ دویغوسوز یاناشانلارین

سون ایللر داها چوخ حکیم لقبی ایله تانینان قاراخان نوه سی ؛ تیمور خان اوغلو ؛ تئلیم خان گونش ایلی 1136 ینجی ایلده ساوه نین مزده قان ماحالی نین مه ره غی / ماراغا / کندیده آنادان اولوب ؛ سکسنه یاخین بیر عونور سوردوکده 1209 ینجی ایلده  هامان کندده حاقین چاغریشین قبول ائدیب جانین ؛ جان باغیشلایانان تقدیم ائدیب ائله چوخ سئودییی آنادان اولدوغو یئرده ؛ باسدیریلیب ؛ مزاری ایسه حله لیک بللی و ادب سئورلرین بیر زیارتگاهی کیمی گونده اونلار نفرین قوللوقلاریندا اولور . اثرلری ده طالعی کیمی قارابخت اولان بویوک و آرزی گوز شاعیریمیزین بلکه ده بیرینجی دفعه ادبیات عالمینه اوز هم یئرلیسی و هم کوشنی رحمتلی دوقتور علی کمالی تاپیب تانیتمیشدیر . علی کمالی نین آدی بوگون ائله شاعیر تئلیم خان لا یاناشی یاشاماقدادیر . مع الاسف بویوک آراشدیریجی دوقتور علی کمالی نین واخت سیز اولومو ( 11/5/75) ایله تئلیم خانین دا یئنه اثرلری تقریبا اونودولدو . آنجاق 82 ینجی ایل پروفسور دوقتور محمد تقی زهتابی اثرلری نین نشر ائوی نین همتی  و نشبثی ایله ؛ هله آراشدیریجی پروفسور محمد تقی زهتابی و دوقتور علی کمالی دیری کن بیر لیک ده یازدیقلاری بیر دیرلی اثر ایشیق اوزو گوره بیلدی . تاسف لر اولسون کی رحمتلی دوقتور کمالی نین عومور بو اثرین چاپینا وفا ائتمه دی . شاعیر رحیم گوزل آراشدیریجی و بویوک عالیم رحمتلی علی کمالی نین وفاتینا دایر نه گوزل بیر آغی سویله میشدیر .

اونا اولوب دئسک ؛ سهو اولار بو سوز

داهی لر یاشایار اولندن سونرا

یازیب ؛ یاراتدیغی هر اثر ؛ هر ایز

عومرونو داشییار اولندن سونرا

+=+

اونون همتی ایله رزاقی ؛ تئلیم

خالقین یادداشینا کئچدی ابدی

یوخ ؛ یوخ  یارادانا یاراشمیر اولوم

او ؛ ائلین قلبینه کوچدو ابدی

+=+=

اولوم گرکی دیر اوز کیم لیگینه

قایغی سیز ؛ دویغوسوز یاناشانلارین

او کی عومور بویو آنا دیلینه

حصر ائتدی وارلیغین ؛ صرف ائتدی وارین

+=+=

اوزونو دوشونوب ؛ دویاندان بری

او لاقئید قالمادی تورک دونیاسیندا

آچیلسین اولکه نین قوی سرحدلری

تورک ضیالی لاری گلسین یاسینا

=+=+

واخت سیز ایتیردیکسه بیز کمالی نی

اونون کمالینا احتیاجلی کن

اوزو یئتیرمیشدی یوز کمالی نی

بیر گون کمالی سیز قالماسین وطن .

+=+=

تئلیم خان ذاتا دینی و عقیده لی بیر شاعیر اولموشدور . او قورانین بیر نئچه سوره سینی منظوم اولاراق اوز شعرلرینده آنا دیلیمیزه چئویریب ؛ شرحه قائل اولموشدور . شاعیر بونلارا قناعت ائتمه ییب حتی دینی آنلام لاری دا گاهدان شعرلرینه بزه ک وئرمیشدیر . او ؛ اون ایکی امامی بیر شیعه و بونا اساس اوز یارانیش ( وجود نامه ) شعرلرینده آیدین جا اشاره سی اولموشدور. شاعیر میثلی گورونمه ین بیر شعرینده بیر چوخلو قوشلارین آدین چکمیشدیرکی ایندی کی نسل اونلارین چوخونون حتی آدین دا ائشیدمه میشدیر . باخین

سیمرغ و سمندر ؛ طوطی و مینا

طاووس و قو تزرو ؛ سار و ملخ چین

هوما؛ کرکس ؛ هوکو ؛ کنتوره ؛ قجیر

ابابیل ؛ بایقوش و کهلیک ؛ گوگرچین

+=+=

قاراقوش و قرقی ؛ قیزیل قازالاخ

قرقاوول؛ دوراش و شوپر؛ بولبول ؛ زاغ

دورنا و هوپارا ؛ آنقوت و کلاغ

خوروز و اوردک و قارقا ؛ سیغیرچین

=+=+

او توکلو قاراگوز سیره و ترلان

سئرچه چمچغ؛ قیل قویروق ؛ سار ؛ چالاغان

باغریقارا ؛ قومرو ؛ فاخته ، ساغساغان

هود هود ؛ آهن مینقار ؛ سققا ؛ بیلدیرچین

=+=+=

زاغچه و یاشیل باش؛ هوراسیل ؛ اویار

شتر مرغ ؛ تئیهو ؛ سار و قوش قویار

کاروان قیران قوشو ؛ قارا چاقا ؛ شونقار

هیند تویوغو ؛ بوقلمون و لاچین

+=+=

تولکو قولوسو ؛ قشقل تراش ؛ عندلیب

یاس تویوغدان تویوق دوتدولار نجیب

چوبان آللاداندی او شاهین غریب

تلیم ؛ سودا شیکار ائیلر بالیقچین .

 

عطیر ساچسین بوتون ائله  اوبایا

تاکی مزاریم دا من راحات اولوم

ایگید اوغلانلاریم نجیب آروادیم

باجی  قارداشلاریم ائلیم اولوسوم

چوخ نیسگیل لر قالدی یازیق کونلومده

هامیسیندان آرتیق تئلیم دیر تئلیم

یازین باش داشیما بو مصراعی سیز

علینی یاشادار ابدی تئلیم .

دیوان بیگدلی ؛  توپلایان :  رحیم چاووش اکبری ( تبریزلی یسنای ) تهران ؛ نشر ثالث 1380 ؛ صص286-287

Yayın:
Əxtər
Yayın Yılı:
1382 (Güneş yılı)
Sayfalar:
167
Dosya Türü:
PDF Document
İçerik Dili:
تورکجه

 Sayın oxucular!
Turuz sitesi bir kültürəl ocaq olaraq dilçiliklə bağlı qonulardan danışır. Bu sitə dilçiliklə bağlı dəyərli bilgilər verməkdədir.Dilimizin tarixi və etmolojisi sahəsində çalışan bu sitə, sözlərin kökü və etimolojisi haqqında, başqa sitələrdən dəyişik olaraq, eyləmlə(fe'l) bağlı anlamların açıqlayır.
Sitəmizdə dilçiliklə bağlı bir çox kitab,sözlük, yazılar əldə edib oxuyabilərsiniz. Umuruq ki bu sitə, siz dəyərli, sayın oxucular yardımıyla, dilçilik qollarının gəlişməsi, yüksəlişi yolunda bir addım götürəbilsin.
Bey Hadi ([email protected])
Təbriz