ŞEHRIYARIN SEÇILMIŞ ESERLERI
شهریارین سئچیلمیش اثرلری

  Ustad şəhriyarın türk şerlərindən seçillmiş bir kitabdi ki latin

  əlifbasında yazılıb.

  Kitabın adi:Şəhriyarın Seçilmiş əsərləri

  Yazar: Məhəmməd Hüsen Şəhriyar

  Tarix:2005

  Biçim: PDF

  Dil: Türkcə

Bir də yatam, qucağında yuxluyam,

Ömrü qovam, bəlkə burda haxlıyam,

Uşaqlığa deyəm: bizə gəlsən bir,

Aydın günlər, ağlar yüzə gülsən bir!

Heydərbaba, çəkdin məni gətirdin,

Yurdumuza, yuvamıza yetirdin,

Yusifivi uşaq ikən itirdin,

Qoca Yəqub, itmişsəm də tapıbsan,

Qavalıyıb qurd ağzından qapıbsan.

Mən gördüyüm karvan çatıb köçübdü,

Ayrılığm şərbətini içibdi,

Ömrümüzün köçü burdan keçibdi,

Keçib gedib gedər-gəlməz yollara,

Tozu qonub bu daşlara, kollara.

Burda şirin xatirələr yatıblar,

Daşlarıylan başı başa çatıblar,

Aşnalığın daşın bizdən atıblar,

Mən baxanda qavzanıllar, baxıllar,

Bir də yatıb yandırıllar, yaxıllar.

Gedənlərin yeri burda görünür,

Xanım nənəm ağ kəfənin bürünür,

Dalımcadır, hara gedim sürünür:

- Bala, gəldin? Niyə belə gec gəldin?

Səbrim sənnən güləşdi, sən güc gəldin.

Qəbiləmiz burda qurub ocağı,

İndi olmuş qurd-quşların yatağı,

Gün batanda sönər bütün çırağı,

"Və bəldətin leysə ləha ənisu

İlləl yəafirə və iltəl-isu".

Zaman keçir, üfüqlərdə toz qalır,

Karvan kimi uzaqlarda toz salır,

Duman gəlir, yürəkləri çulğalır,

Ürək deyir: Zaman, keçmə, amandur,