Filologiya üzrə fəlsəfə doktoru Baba Məhərrəmli türkologiya sahəsində ümid verən gənc və istedadlı alim­lərdəndir. Bir sıra məqalələri və çapa hazırladığı "Türk dil­lərində isim köklərində leksik-semantik inkişaf" əsəri gös­tərir ki, uğurlu mühitdə uğurlu yaradıcılıq nailiyyətləri əldə edə bilər. Türkoloji ədəbiyyata yaxşı bələddir, səbr və təmkinlə işləməyi, müqayisələr aparmağı, ideyaların əsas xəttini tutmağı bacarır.

Bu əsər çox böyük zəhmətin nəticəsidir. Əsas cəhət budur ki, Baba Məhərrəmli tədqiqata cəlb etdiyi sözləri kifayət qədər dərindən araşdıra bilmişdir, ona görə də tədqiqat işində müəllif ideyasına şübhə doğuran cəhətlər yoxdur. Baba Məhərrəmli isimlərin tarixi diferensiallaşma prosesini, təbii ki, bütün türk dilləri üzrə izləməli olmuş­dur. Məqsəd leksik-semantik, fonetik və qrammatik dife­rensiasiyası ilə orijinal dillər kimi formalaşmış və sabit­ləşmiş türk ədəbi dillərinin tarixən bir kateqoriya ilə ­isimlərlə bağlı necə diferensiallaşdığını üzə çıxarmaqdır.

Belə bir cəhətin müəyyənləşdirilməsi dillərin hər birinin müstəqil inkişaf yolunu aşkarlamağa imkan verir. Bunu bütün nitq hissələri, fonetik və qrammatik kate­qoriyalar üzrə də davam etdirmək olar. Bu cür tədqiqat 0 tərəfə getdikcə türk dillərini bir ulu kökə nə qədər ya­xınlaşdırarsa, bu tərəfə gəldikcə onların hər birinin necə...