Türkce Yazı Qaydalar-Ismayıl Ceferli

سلام اولونور گروپداشلارا:

یازی قایدالاری حاقدا بیر گروپ یازیچیلاریمیزین اشتراکییلا گئچن اوچ ایل مدتینده بیر مطلب حاضیرلاندی. بو مطلب  ایلک دفعه «2020 یازی قایدالاری، آذربایجان تورکجه‌سینین یازی قایدالاری» آدییلا فرهنگ جامع درگی سینده (18-جی سایی، 1399گونش ایلی) چاپ اولدو، آیریجا همان ایلده یازنشر و سونراکی ایل (گونش 1400) ده اختر انتشاراتی طرفیندن، بیر سیرا دوٌزه‌لیشلر وئریله‌رک (محتوا عینی اولاراق) نشر اولدو. دوستلارین ایسته یی اساسیندا همان مطالب چوخ اؤزت اولاراق قیسا قیسا سس فایلی شکلینده و هر سس فایلینادا اک اولاراق، بیر صفحه لیک یازی، وئریلمه‌یه چالیشیلیر. اومود ائدیرم بو سس فایللاری و اونا اک اولان صفحه‌لر، یازی قایدالاریمیزی دوغرو دوزگون اؤیرنمک اوچون یارارلی اولسون.

بورادا فرهنگ جامعه درگی سینین 18=جی سایی‌سی پی دی اف فرمتیده ده وئریلیر، ماراقلیلار داها گئنیش بیلگی اوچون بو کتابا مراجعت ائده بیلرلر.

تلاش اولونور یاخین گله‌جکده بو مطالب پاورپوینت و آیریجا ویدئو شکلینده وئریلسین، اومود ائدیرم آزدا اولسا یازیچیلاریمیز و انسانلاریمیز اوچون یارارلی اولسون. (ا. جفرلی، یازفصلی 1402)