Şərur Və İğdir Bölgələrinin Yer Adlari - Akif Imanlı

Şərur və İğdır bölgələrinin yer adları ( oykonimlər ) adlandırdığımız bu kitabda Şərur rayonunun yalnız dağlıq, dağətəyi, Kəngərli, Sədərək ərazilərinin, habelə Türkiyə Cümhuriyyətinin İğdir ilçesine daxil olan mövcud yaşayış yeri adlarının ( oykonimlərin) leksiksemantik xüsusiyyətləri, onların yaranma yolları və linqvistik əlamətləri araşdırılmışdır.

Qeyd edək ki, bundan əvvəl nəşr olunan kitablarda (Şərurun Arazboyu oykonimləri) 2006 və (Şərur düzünün toponimləri (oykonimlər) -2008 Şərur düzünə daxil olan yaşayış məskənlərinin adları tədqiqata cəlb olunmuşdur.

Biz təsviri onomologiya ilə məşğul olduğumuzdan yalnız hazırda mövcud olan yaşayış yer adlarının izahını ön plana çəkmişik.

Kitab haqqında fikir və mülahizələrini, irad və təkliflərini bildirəcək hər bir şəxsə indidən öz səmimiyyət və ehtiramımızı ifadə edir, onlara minnətdarlıq duyğusu ilə yanaşırıq…