Azerbaycanşünaslıq Seçilmiş eserleri 5 Cild - Nizami Cəfərov

آذربایجان شوناسلیق سئچیلمیش اثرلری 5 جیلد - نیظامی جعفراوف

کؤچورن: حسین شرقی(سوی تورک)

آذربايجان تورکجه سي، ياخود آذربايجان ديلي موعاصير دونيانين کيفايت قدر اينكيشاف ائتميش ديللريندن اولوب، گئنيش ايفادهاوسلوب ايمکانلارينا ماليکدير. و آراشديرمالار گؤسترير کي، بو ديلين زنگين بير تاريخي واردير. آذربايجان ديلي نين تشککولو مسئله سي بير پروبلئم کيمي 19 عصرين اوللرينده  ميللي اؤزونودرک دؤورونده بوتون آيدينليغي ايله قويولموش و اعتيراف ائتمک لازيمدير کي، کيفايت قدر اوبيئکتيو، مئتودولوژي باخيمدان دوزگون حلليني ايلک دفعه  همين دؤورده تاپميشدير. 19 عصرين سونو، 20 عصرين اوللرينده آذربايجان (يالنيز آذربايجانمي ؟!) علمي ايجتماعي تفککورونده بئله بير اساسلي فيکير فورمالاشميشدي کي، آذربايجان ديلي اؤز منشيي اعتيباريله تورک ديللريندن بيريدير. مسئله نين بو جور يناملا قويولماسي، جؤرونور، بيرينجي نؤوبه ده آشاغيداکي سببلردن ايره لي گليردي: 

 آ) تورک ديللري نين ديفئرئنسياسيياسي لازيمي سويييه ده دئييلدي، اونا گؤره ده 19 عصرين سونو، 20 عصرين اوللرينه قدر تورک ديللري نينکي  " خاريج " دن، حتّی  " داخيل "  دن ده بوتؤو بير ديل کيمي تصوور ائديليردي؛  ..