Müəllifin bu kitabında qədim oğuz-türk yurdu olan Borçalı mahalının Ormeşən kəndi haqqında məlumat verilir.

Əsərdə Ormeşən kəndi haqqında qısa tarixi-etnoqrafik məlumat, yerli oturaq əhalinin məşğuliyyəti, etnik və sosial tərkibi, adət-ənənələri, dini görüşləri, memarlıq abidələri, çayları, dağları: Şindi dağı, Şamdüyə, Sərxan, Əyriqar, bu dağlarda bitən müalicəvi bitkilər, dağlarda olan gözəl təbii bulaqlar: Şır-şır, llxı bulağı, Nədirin bulağı, Yazılı bulaq, Şamdüyə dağının başında Südlü bulaq (südə oxşar, təmiz duru olduğuna görə Südlü bulaq adlanır), arxaclar, xalxallar, bərələr və sairə haqqında məlumatlar verilmişdir.

Ormeşən kəndinə aid olan yer adları, kənddə və ətrafında olan təbii bulaqlar, bir sözlə tarixi coğrafiyası təsvir edilmişdir. Ormeşən kəndində yaşayan ağsaqqallar, ağbirçəklər, ilk ziyalılardan: Topal Oruç, Ziyəddin Qaralov, Əsəd Rüstəmov, ilk ziyalı qadınlardan: Şahnigar ismayıl qızı, Qaralova Sinaxanım və başqa ziyalılar haqqında məlumatlar verilmişdir.

Ormeşən kəndini Ormeşən kimi tanıdanlardan biri Bəkir Səməd oğlu Qaralov haqqında, Pedaqoji Elmlər Doktoru Professor Zahid ibrahim oğlu Qaralov, Tarix elmləri namizədi Məmməd Məhəmməd oğlu Vəliyev, Azərbaycan Respublikasının Baş prokuroru Zakir Bəkir oğlu Qaralov, Pedaqoji elmlər namizədi Şaban ibrahim oğlu Qaralov, M.F.Axundov adına Rus dili və ədəbiyyatı institutunun baş müəllimi Vəliyev Xəlil Alı oğlu, Kənd təsərrüfatı elmləri namizədi Qaralov Ağamalı Məmmədalı oğlu və başqa alimlər haqqında məlumatlar verilmişdir.

ikinci Dünya müharibəsi, Əfqanıstan və Qarabağ mü-haribəsinin iştirakçıları, iş adamları, qulluqçular, Sərkər çobanlar, ustalar, kolxozda-sovxozda və başqa sahələrdə çalışmış şəxslər haqqında ətraflı məlumatlar verilmişdir...