Elmin bütün sahələrində olduğu kimi, dilçilikdə də millilik və bəşərilik mövcuddur. Belə ki, bir çox dil kateqoriyaları milli səciyyə daşıdığından yalnız bir və ya bir neçə qohum dilə məxsus olduğu halda, elə dilçilik və ya dil məsələləri var ki, ona yalnız bəşəri mövqedən yanaşılmalı, ümumi dilçilik yönümündən araşdırılmalıdır. Bu məsələlərə ilk növbədə dilə müxtəlif aspektlərdən yanaşmanın nəticəsi olaraq bir neçə elmin qovuşugunda meydana çıxan neyrolinqvistika, psixolinqvistika, riyazi dilçilik, kompüter dilçiliyi və s. kimi yeni elm sahələrini aid etmək olar. Dünya dilçilərinin bu sahələrdəki tədqiqatlarından bəhrələnməklə Azərbaycan dilçiliyində də bu sahədə yeni axtarışların aparılması, maraqlı araşdırmaların meydana çıxması, yeni söz deyilməsinə cəhdlərin göstərilməsi təqdir olunmalı və yüksək qiymətləndirilməlidir...