Qardaş Komeyi-Qardaş Yadımı-1917-Baki-2012-220s

Bu gün Azərbaycan Dillər Universitetində (ADU) “Keçmişdən günümüzə Azərbaycan-Türkiyə xeyriyyəçilik ənənəsi- QARDAŞ KÖMƏYİ” adlı Beynəlxalq Simpozium keçirilib. SİA-nın verdiyi xəbərə görə, açılış mərasimini ADU-nun rektoru, millət vəkili, professor Səməd Seyidov açıq elan edərək təşkilatçılara simpoziumun işində uğurlar arzuladı. Daha sonra  təşkilat komitəsi adından çıxış edən Millət vəkili Prof. Dr. Nizami Cəfərov görülən işlərin əhəmiyyətindən danışdı.Türkiyəli Millət vəkili Haluk İpək, Prezident administrasiyası İctimai-siyasi şöbənin məsul işçisi Rasim Mirzəyev, Türkiyənin Azərbaycandakı Fövqaladə və Səlahiyyətli səfiri İsmail Alper Coşkun, TİKA Başqanı Dr. Serdar Çam, Azərbaycan Respublikası QHT Dəstək Fondu Başqan Yardımçısı Fərasət Qurbanov və Xalq Yazıçısı Anar öz çıxışlarında iki qardaş dövlət arasındakı qardaşlıq münasibətlərinin əbədi olacağından danışdılar.

Simpoziumun əsas məqsədi yetişməkdə olan gənc nəslə iki qardaş dövlət arasındakı qardaşlıq əlaqələrinin tarixi həqiqətlərini çatdırmaq və keçmişdən günümüzə xeyriyyəçilik ənənələrinin mahiyyətini izah etməkdir. Biz inanırıq ki, xeyriyyəçiliyin təbliği sahəsində atılan bu addım bugünki xeyirsevər həmvətənlərimizin də uğurlu fəaliyyətlərinə stimul yaradacaq. Bununla belə adıçəkilən layihə Türkiyə ilə dərin tarixi, mədəni, din və dil əlaqələri olan Azərbaycanla yaxın dövrdə də bu bağların güclənməsində tarixən var olan qardaşlıq və dostluq hisslərinin daha da möhkəmləşməsinə ciddi bir dəstək olacaq. 

Məlumat üçün bildirək ki, 1915-ci ildə Bakıda Anadolu Türkünün Qurtuluş mübarizəsinə dəstək vermək məqsədilə Bakı Müsəlman Xeyriyyə Cəmiyyəti liderliyində “Qardaş Köməyi (Yardımı)” fəaliyyətə başlayıb.

QAYNAQ