Turuz masraflarını karşılaya bilmemiz için yeni yılda Turuza destek olmak için [email protected] ile irtibata geçin.
Bağışlarınızı bu E-postaya bildirin: [email protected]
BTC: bc1q0lqs9dhsd6glk4hdslt83fwcrz9uvujk6lrcfl
USD(TRC20):TWrFZBWcvyDfQSA51cvXq52Es8VSHeFwQR
Bank kart bilgileri:
6104 3373 5031 8547
Iran Millet Bank
Şehriyarın Divanında Olmayan Üç Şiiri-Muqeddimehayi Şehriyar Ber Mecmueye Eşari Digeran-Şehriyar-Mirvaridxanım Dilbazi-Elağa Vahid-Şehriyardan Çap Olmamış Bir Şiir-Riza Hemraz-Türkce-Fars-Ebced
Riza Hemraz
Türkce-Fars-Ebced
Şehriyarın Divanında Olmayan Üç Şiiri
Muqeddimehayi Şehriyar Ber Mecmueye Eşari Digeran
Şehriyar-Mirvaridxanım Dilbazi-Elağa Vahid
Şehriyardan Çap Olmamış Bir Şiir
ادعا سيز و چاليشقان آراشديريجي و شاعير
رضا همراز شعير اوخور
محمد الفت
باشقا بير يئر دن گليرم
بير قوجاق ايشيق
بير قوجاق اولوم
بيچميشم
ايشيغي سيزه
اولومو اوزومه
گتيرميشم
والي گوزه تن
بير سون باهاربيتيشنده ؛ سويوق بير قيش باشلاناندا، رحمتلي پروفسور محمد تقي زهتابي ني تورپاغا تاپيشيراركن اوز – اوزومله سوروشوردوم بئله بير نهنگ و داهي اينسانين يئريني كيم دولدوراجاق؟
پروفسور حميد محمد زاده – دونيادان گئدن زامان و هابئله آخيملي نثري اولان شيرين قلملي يازاريميز ائل فرزانه سي نین عومور چيراغي سونن گونلر ؛ تبريزين او قارلي گونلري وادي رحمت قويلاغيندا بو اولو انساني ؛ شاغير اسماعيل مددي دئميشكن ( بير توخوم كيمي يئره اكنده ) يئنه هامان سورغو ( بس بو بويوك اينسانين يئرين كيم توتاجاق ؟ دئيه بينيمه تاخيلدي .
آذربايجانيميزين كوكلو كولتور و مدنيت آغاجيندان بو يارپاقلار يئره النديكده ( بو يارپاقلارين يئرينه هانسي ياشيل يارپاقلار بيته جك ) فيكير ايله دولاشيرديم و ياشيل يارپاقلاري آختاريرديم .
15 ايل اونجه تبريزين بويوك فابريكالارينين بيرينده ايشه باشلاركن بوفابريكادا 4500 ايشچي ايشه مشغول اولموشلار، فابريكانين بويوك كيتابخاناسي اولدوغونو ياخشي بيليرديم ؛ بو كيتابخانادا بير ادعا سيز هابئله سس سيز سمير سيز عين حالدا چاليشقان اينسان هر گون اونلار كيتابلار ايچينده ياشاماغا مشغول اولوردو. من هر گون او كيتاب ائوينه باش چكيب حورمتلي مسئولوندان آرايب – آختارديغيم كيتابلاري آليب اوخويوردوم .نظره آلين 73 ينجي ايللرده بويوك فابريكانين كيتاب ائوينده بير چوخ آذربايجان تاريخ و مدنيتيته عايد اثرلر بو انسانين چاليشماسي و چكديغي زحمت لر نتيجه سينده بير يئره توپلانيب آذربايجان ادبيات و تاريخ وورغونلارينين يانغين اورك لرين سيراب ائله ييردي .
اوره گي آذربايجان هوسي ايله چيرپينان بو گوزل انسان فابريكانين ايشچي لرينين اورك لرين اوز تواضع كار خيصلت لري ايله فتح ائتميشدير .بو گون داها چوخ آذربايجان شوناسليق قونوسوندا اولان كيتابلار و هابئله آذربايجان ادبيات تاريخ و فولكولورونا عايد ديرلي اثرلر بوتون ايشچي لرين ائوله رينه يول آچميشدي .
بوتون آذربايجان خاديم لريني اورادا بولماق اولاردي . علي تبريزلي ، پروفسور زهتابي ، پروفسور فرزانه . دوقتور هيئت ، دوقتور حسين صديق ؛ اوستاد رحيم رئيس نيا؛ اوستاد عبدالحسين ناهيد و بير چوخلارينين خالق ائتديگي اثرلر زنگين لشميش بير كيتاب ائويني يارادميشدير .
بو گوزل اينسان كيتابخاناني اداره ائده كن اصلاحات دوورونون ياراتديغي نسبي فضا دا آذربايجان مطبوعاتينين اوجاغينين قيزديرانلاريندان بيري ده اولموشلار. يعني اوزلري يانيب خالقا ايستي وئرميشلر.
بئلنچي دورومدا چوخلو قزه ته لر ياراندي . اونلارين پارلاقلاريندان بيريسي بلكه ده بيرينجيسي شمس تبريز هفته ليگينده بو اينسانين بويوك رولو اولموشدور .
شمس تبريز آذربايجان خالقينين ميللي شعورونون گليشمسينده نه قدر ديري و سهمي اولورسا بو چاليشقان اينسانين ديري و پايي بو هفته ليگين يارانماسيندا و آياق توتماسيندا اوقدر اولابيلميشدير . بو قزه ته بوتون ( دووارلارا قارشي )اوزونو جانلي ساخلاديغيندا بو ديرلي اينسانين رولو و پايي دانيلماز دير . اونون و بير نئچه امكداشينين اصلاحات دورونده سياست چي لر آراسيندا اولان قدرت و گوج ياريشمالاريندا قوربانليق اولان آذربايجان دا آذربايجانلي نين سسي كسيلدي و سوسماغا مجبور اولدو !
آما قارانليغا لعنت ائدن دوستلار شمع لرين يانديردي لار. او شمع لري يانديرانلارين بيريسي ده همان فابريكانين كيتابخاناسيني جانلي ساخلايان ، قزئتلر اوجاغيني آليشديران ؛ ديرلي مقاله لر ياراديجيسي سئويملي شاعير و آراشديريجيميز رضا همراز اولموشدور.
رضا پروفسور زهتابي و پروفسور فرزانه و پروفسور حميد محمد زاده و نه بيليم بو كيمي نهنگ عاليم لريميزين مكتب لرينين ان پارلاق اويرنجي لريندن بيريسي دير . رضا بوگون او بويوك ضيالي لارين هامارلاديغي يولون يولچوسودور. من امينم كي او بويوك لرين يئرين دولدوران اينسانلاردان بيريسي دير.
16 ايله ياخين دير من رضا همراز لا ايش بير ليك آپاريريق . اونو بير آن دايانمادان دفعه لر چاليشمالارينين شاهدي اولموشام . گوزل مضمونلو شعر لري ايله ياشاميشام . ديرلي و تاي سيز مقاله لرايله آذربايجانيميزي داهادا آرتيق تانيميشام .بير چوخ لاريني قلمله تانيشديريب يازماغا تشويق ائتمه سيني گورموشم . نئچه نئچه گوجلو قزه ته نين يارانماسيندا و زنگين يازي لارلا بارلانماسيندا ياخيندان دويموشام .نئچه قزه ته ده سردبير رولونو نئجه ده گوزل باشاريجي سي اولموشدور .آنجاق همشه كيمي آدينين رئكلاميندان چكينميشدير .
بونو دا دئمه لييم كي تبريزده بارماق سايي قدر ائو كيتابخاناسي اولورسا شوبه سيز اونلارين بيري رضا يا عايد دير.رضا همرازين اوره يي بويدا بير كيتابخاناسي وار .چوخ زنگين و قيمتلي . او ، قازانديغين كيتابا تبديل ائديب ياخيب كيتاب ائوينه .
رضا همرازين بويوك و شخصي كيتابخاناسي بوتون آذربايجان يازارلارينين اوزونه همهشه آچيق اولوب چوخلارينين اورايا گليب تدقيقاتي ايشلرينده او زنگين كيتاب ائوينده ايله شيب او خزينه دن اولدوقجا فايدالانيب لار .آذربايجان تاريخينه حصر اولونموش اوزل قايناقلار – ادبيات ساحه سينده هابئله مشروطه قونوسوندا دولغون بير خزينه ياتيب او كيتابخانادا .
رضا همراز اوزو (( آذربايجان و رجال قونوسوندا )) بير جانلي انسيكلوپديادير.چوخلو اونيوريسته اويرنجي لري ، ليسانس و يوكسك ليسانس تئزلرينين ايشلرينده رضا همرازا مراجعت ائديب ؛ اونون بيلگي لريندن و هابئله زنگين كيتابخاناسيندان فايدالانارلار .
توپلوموموزون چتين اقتصادي شرايطينده بير چوخ آدام شخصي منفعت لر داليسيندا بير بيرلرين آياقلار آلتيندا باسانلارين سايي چوخ اولسادا رضا همراز كيمي ساده ياشايششيندا قازانديغيني كيتابا وئريب و اونو بوتون كيتاب سئورلره فرهنگ و مدنيت قورويان اينسانلارا اتحاف ائدن اولسادا آما همشه بئلنچي اينسانلارين منفعت طلب اينسانلارا پيروز اولماغين تاريخ همه شه ثبوته يئتير ميشدير .
البته بو يولدا او نا بويوك يارديمچي و كومكچي و داها دوغروسو رضاني رضا همراز ائدن اونون نجيب و وقارلي عومور و حايات يولداشي نين نقشي هئچ ده آز اولماميشدير .بير زامان گلجك تاريخ ؛ آذربايجان قزئته چيليك اوغروندا زحمتي كئچنلر و تورك كولتورنده بو قزه تلرين اوجاغيني ايستي ساخلايانلارين آديني چكنده اينانيرام رضا همرازين آدي يقين كي اون سيرالاردا دوراجاقدير. بو بويوك اينسانا يولون آچيق اولسون دئيه نئچه پارچا شعرينه سيزي قوناق ائديره م .
6/2/87
ارك
اركه باخاندا
بوركوم باشيمدان دوشور
تاريخينه باخاندا
اليمي آلنيما قويورام
بوگونونه باخاندا
هئي
بير اليم اوره يمده
بوبيريسين گوزومه قويورام
1/5/86
گوي مچيد
گوي مسجيدي گورنده ، گووه نيره م اوزومه
آغ قويونلولار؛ قاراقويونلولار
بير سينما پرده سي تك گوز اونومدن كئچير لر
آنجاق اورادا گزنده ؛ آياقيمي يئر اوزونه قوياندا
حئييفيم گلير تورپاغا
آخ بيلير سيز
من گزدييم تاريخ اوردا گيزله نيب
1/5/86
بويوك سمفونو
دنيز ، دنيز بويوك بير سمفونيا
گمي لرين شاپيلديسي
شپه لرين قايالارا اوز لريني چيرپمالاري
ساحيل لره اوز لريني سرمه لري
گوزه لجه قوشلارين
دويغودان لپه له نن نغمه لري ؛ سسلري
باليق چيلارين هاي لاري – كوي لاري
(( تور دولدو تاريم اولدو – قايغيم ياريم اولدو ))
سونالارين حزين – حزين آغلايشي
آه دنيز ؛ دنيز
بويوك بير سمفونيا
سومسوك ايت
داش دوشسون باشينا كول باش سومسوك ايت
نيچون تك ليكينده سئولله نيرسن
بو چولو بو باييري
باخ
آجيندان قارنينين نازيك دريسي
قابير قاوا ياپيشيب
سن كيمي لر قهرمانجا تك ليك ده
يوزلر داوار قورويور
داش دوشسون باشينا كول باش سومسوك ايت
باخ اويره ن ياشاماغي باري تايندان
نصيحت
غريبه دير
بير بارماغين اوستومه توتسادا
حله دورد بارماغي اوزو بيلمه دن اوزونه نصيحت وئرير
غريبه دير
اوز گوزونده بير ديره يي گورمه دن
كيمي سينين گوزونده
بيرجه چوپو تئز سئچير
20/1/87
اولولر
اولولرين بير سيراسي دئيير لر
هئي يئريز بوش!
سانكي بوردا گونوموز بارات گئجه سي دير!
اما
اولولرين بير سيراسي دئييرلر
آمانين بير گونو دور
اولمك ده كي حالوا پايلامير لار
هر نه ديير سا
يئرين اوزو آلتيندان يئي دير
20/1/87
يئنه دردلي ارك
باخيرديم
ارك – ين كولگه سي
اوجا تبريزين كوچه لرينه دوشدو
رسام ؛ اركي قو جا تبريز ده چكمك ايسته ييردي
يازيق رسام
هانسي كوچه لرده
1/5/86
قوجا ليق
بير قوجادان سوروشدولار
قوجا عمي سونكو آرزين نه دير سنين؟
او قوجا نين ايكي گوزو ياشلا دولوب بئله دئدي
- ديله ييره م اوشاق اولوب اوشاقلارلا گيزلانپانجي قيزيشديرام
اويناياركن اونلار يوموب گوزلريني من گيزلنم
او يئرده كي داي قوجاليق تاپانمايا بيرده مني .
آنا سوراغی
منیم آنام گوزل لردن گوزل ایدی
کویچک لردن گویجک ایدی
منی بیر آنان بوراخمازدی گوزلریندن
منیم ایچون توکنمز قایغیسی ؛ ایستکلی داورانیشی وارایدی
اما بیلمم نیچون منی آتدی آنام !
داها بیرده اونون کیمی بیر مهربان ؛ بیر دوز اینسان هاچان تاپام
اینانمیرام ؛ اله دوشمز
=+=
سن کوچندن دونه – دونه هر بیر یئری من آختاردیم
سوراغینی سوراغلاشدیم گونه باخان گوللریندن ؛
-اما اونلار گونه باخدی
سوراغینی سوراغلاشدیم اوجا – اوجا آغاجلاردان
-اما اونلار باشلارینی ماوی گویه قوزادی لار
سوراغینی سوراغلاشدیم اوجا یانان آلاولاردان ؛
- اما اونلار حسرت ایله تازا سونموش کوله دونموش دوستلارینا گوز دیکدی لر
سوراغینی آلدیم بیر کویچک قوشدان
-اما آنا ؛ آدین گلجک قاناد چالیب گویه اوچدو
سوراغینی باش داشیندان دا آلدیم ؛
- اما گوردوم گوز سانجیب دیر ماوی گویه
سوراغینی قایالاردان من آلارکن ؛
- زیروه لرین گوستردی لر
سوراغینی سوراخلاشدیم داماریمدا آل قانلاردان ؛
-اما اونلار گوز دیکدی لر دوشلریندن امن سوده
سوراغینی سوراخلاشدیم یاسمندن ؛ بنوشه دن ؛ قیزیل گولدن
-آما اونلار بویونلارین قاتلادی لار
سوراغینی بیر جه بیرجه کویچکلردن خبر آلدیم ؛
- آما اونلار لال اولدولار سنین قارشیندا آنا
گوزل لیک ده خبر آلدیم اون دورد گئجه لیک آی دان
- آما آی دا دیله گلیب بولود لارا قووشدو
هردن دوشنده یادیما منیم آنام ؛ دیله ییره م هر بیر گونوم ؛ هر بیر گونلر اونون ایچون حصر اولونسون ؛ بلکه مندن گوزل ؛ گوزل دسته گوللر ؛ زمورود لر ؛ داش قاش ایله هم اینجی لر آیاقلاری آتلارینا سپه له ییم .
Şehriyarın Divanında Olmayan Üç Şiiri-Muqeddimehayi Şehriyar Ber Mecmueye Eşari Digeran-Şehriyar-Mirvaridxanım Dilbazi-Elağa Vahid-Şehriyardan Çap Olmamış Bir Şiir-Riza_Hemraz-Turkce-farsca-Ebced.pdf | |||
---|---|---|---|
Okuma
İndir
Turuz hayatta kalmak için, Yardım Edin |
|||
Boyut: 337.23 KB | Dosya Türü : Pdf | İzlenme Say : 684 | Başarısızlık Raporu |
Şehriyarın Divanında Olmayan Üç Şiiri-Muqeddimehayi Şehriyar Ber Mecmueye Eşari Digeran-Şehriyar-Mirvaridxanım Dilbazi-Elağa Vahid-Şehriyardan Çap Olmamış Bir Şiir-Riza_Hemraz-Turkce-farsca-Ebced..doc | |||
---|---|---|---|
Okuma
İndir
Turuz hayatta kalmak için, Yardım Edin |
|||
Boyut: 247 KB | Dosya Türü : Doc | İzlenme Say : 720 | Başarısızlık Raporu |