Üzeyir Hacıbeyov Koroğlu operası-partitura-not  Turuz

2014

Müasir Azərbaycan professional musiqisinin banisi Üzeyir Hacıbəyli keçən əsrin birinci yarısında milli musiqi sənətinin inkişafında müstəsna rol oynamışdır. Cəsarətlə demək olar ki, o, Şərq musiqisini yeni janr və formalarla zənginləşdirmiş ilk bəstəkarlardan olub, zəngin irsi ilə Şərq və Qərb musiqi mədəniyyətləri arasındakı qarşılıqlı təsir və dialoq prosesinə böyük tövhələr vermişdir. Üzeyir Hacıbəylinin "Koroğlu"  operası dünya opera klassikasının ən yaxşı ənənələrinə istinadən bəstələnmiş və yüksək bədii dəyərə malik ilk klassik Azərbaycan operasıdır. M.f.Axundov adına Azərbaycan Dövlət Akademik Opera və Balet teatrı səhnəsində 1937-ci il, aprel ayının 30-da rejissori.Hidayətzadənin səhnə, R.Mustafayevin bədii tərtibatında tamaşaya qoyulan "Koroğlu"nun premyerası, yalnız Azərbaycanın mədəni həyatında deyil, dünya musiqi sənətində diqqətəlayiq hadisə oldu.            Artıq 70 ildən çoxdur ki, "Koroğlu" musiqimizin yüksək və əlçatmaz   zirvəsi olaraq qalır, illər ötdükcə isə onun müstəsna əhəmiyyəti daha aydın və parlaq görünür. Bunun sirri nədədir? ilk növbədə onu vurğulamaq lazımdır ki, bu operada Üzeyir bəyin çoxşaxəli istedadının bütün imkanları - bəstəkar, dramaturq, nəzəriyyəçi-alim kimi uzun illər cilalanmış tərəfləri, musiqi dilinin yeniləşməsi sahəsindəki axtarış və tapıntıları vəhdət halında mükəmməl şəkildə üzə çıxmışdır. Təsadüfi deyil ki, beşpərdəli, qəhrəmani-epik "Koroğlu" operasını Ü.Haclbəylinin "üslub ensiklopediyası" adlandırırlar. Burada Azərbaycan milli ...