Qafqaz Albaniyasının maddi-mədəniyyətinin öyrənilməsində Ağsuçayla Göyçay çayları arasında olan arxeoloji abidələrin böyük elmi əhəmiyyəti vardır. Girdimançayla Göyçay çayları arasında bu vaxta qədər cüzi də olsa, arxeoloji tədqiqat işləri aparılmışdır. Ağsu rayonu və xüsusən onun sahələrində isə heç bir arxeoloji tədqiqat işi aparılmamışdır. 1961-ci ildə müəllif məzuniyyətdə olduğu zaman Ağsu rayonunun Nüydi kəndində müəllim işləyən Sədaqət Abdullayev “Nüydi düzü” adlı yerdə üzüm bağı salınarkən qədim qalıqların tapılması haqqında məlumat verminşdir. Həmin məlumatla əlaqədar olaraq ərazi yoxlanılmış və xüsusi məqalə həsr edilmişdir...