Rəşid Behbudov Azərbaycan musiqi mədəniyyətinin parlaq simalarından biridir. Təkrarolunmaz, gözəl tembrli, məlahətli səsi, yüksək ifaçılıq istedadı, böyük sənətkarlığı ilə Rəşid Behbudov bütün dünyada şöhrət qazanmış, Azərbaycan musiqisini dünyaya tanıtmışdır.

Rəşid Behbudov Azərbaycan musiqi ifaçılığı sənətində yeni səhifə açmış müğənnidir. Onun yaradıcılığı Azərbaycan musiqisində bütöv bir mərhələ təşkil edir. Bənzərsiz mahnı ifaçılığı üslubu, səhnə və ekran obrazları, Mahnı Teatrı - böyük sənətkarın yaradıcılığının şaxələri olmaqla, həm də milli musiqi ifaçılığı sənətində açdığı yolun başlanğıcıdır.

Bütün dünyada öz mahnıları ilə milyonlarla dinləyicilərin ürəyini fəth etmiş Rəşid Behbudov Azərbaycan musiqisini ən müxtəlif millətlərdən olan insanlara sevdirmişdir. Məhz onun möhtəşəm istedadı sayəsində müasir Azərbaycan musiqi mədəniyyəti dünya¬nın bir çox ölkələrində geniş dinləyici kütləsinin sərvətinə çevrilmişdir. Eyni zamanda, hər bir xalqın milli musiqisini dərindən qavramaq bacarığı sayəsində 0, dünya xalqlarının mahnılarının bənzərsiz təfsirçisi kimi tanınmışdır.

R.Behbudovun yaradıcılıq simasında müğənni və aktyorluq istedadı vəhdət təşkil edir. Bu da onun ifaçılıq üslubunun əsas keyfiyyətlərindən biridir. Müğənni R.Behbudov aktyor R.Behbudov anlayışından ayrılmazdır və bu vəhdətdən onun təkrarolunmaz ifaçılıq üslubu meydana gəlmişdir.

R.Behbudovun Azərbaycanda musiqili komediya və opera…