Son dövrlərdə Azərbaycan dilçiliyində müxtəlifsistemli dillərin qrammatik quruluşunun müqayisəlitipoloji tədqiqinə maraq xeyli artmış, bu sahədə müəyyən uğurlar əldə edilmişdir. Müqayisəli-tipoloji tədqiqatların kəmiyyətinin artması isə Azərbaycan dilçiliyində yeni bir sahənin – kontensiv tipologiyanın yaranmasına zəmin yaratmışdır. Məlumdur ki, hər bir qrammatik kateqoriya həm formal-qrammatik, həm də məntiqi-məzmun planı ilə səciyyələnir. Ümumi və spesifik dil faktlarının öyrənilməsində isə kontensiv tipologiya əsas diqqəti qrammatik kateqoriyanın məntiqi-məzmun planına yönəldir və müxtəlif dillərin təsvirində mənadan onun ifadə vasitələrinə doğru gedən istiqaməti öyrənir. Kontensiv tipologiyanın zəruriliyi və əhəmiyyəti görkəmli dilçilərdən B.A.Serebrennikovun, S.D.Katsnelsonun, A.V.Bondarkonun və başqalarının əsərlərində vurğulanır.