بیزه گؤره
سایین اوخوجولار!
بو سیته تورک دیلیله باغلی بیر کولتورل سیته‌دیر . تورک دیلی‌نین کؤکو و ائتیمولوژی‌سی قونوسوندا چالیشان بو سیته دیلیمیزین سؤزلری و اونلارین کؤکون‌دن و نئجه اولوشدوغون‌دان دانیشیر.
سؤزلرین ایلکین کؤکون، ایشلنن یئرین‌دن آخدارمالیییق. اولسون کی ایش آراجی، یئری (قوشولو، شرایطی) دییشیر، اما سؤز ، دوغولدوغو قوشول‌دان آیریلا‌راق، دونوق(جامید) سؤز کیمی یاشاییب گلیشیر.
بو سیته یالنیز سؤزلرین آنلامی، کؤکو ایله باغلی اولان قول‌لاردان دانیشیر. باشقا سؤزلوک سیته‌لرین‌دن دییشیک اولا‌راق، بورادا چالیشیلیب سؤزلرین ایشله، ائیلمله (فئیل. فئل) باغلی آنلام‌لاری آچیقلانسین.
دئیه بیلریک تورک دیلینده ائیلم‌سیز (فئل‌سیز) سؤز گؤزه چاتمیر.
هئچ سؤز، ایشلنن یئری، جمله‌سی بللنمه‌دن، کؤک‌لنه بیلمز آنجاق سیزجه کؤک‌سوز قالان سؤزوموز وارسا، ایشلنن یئرین‌دن بیر اؤرنکله بیزه یازین.
بورادا چالیشاجاغیق سؤز آنلامی، سؤز کؤکو ایله باغلی اولان سؤزلوک‌لری، کیتاب‌لاری، یازی‌لاری سیزه چاتدی‌راق.
سؤزلرین آنلامینا، کؤک‌لرینه گؤره نه دوشوندوگوزو بیزیمله پای‌لاشین. آنلامی آچیلمایان، باشا دوشولمه‌ین سؤزلر توش‌لارسانیز، بیزه گؤندرین، اولسون کی آچیقلاماسیندا یارداش‌لاشا بیلدیک.
ائل آغزیندا، گونده‌لیک یاشاییشدا، یازی‌لارا کئچممیش بیر یئنی سؤز، دئییم تاپسانیز، بیزه چات‌دیرین. الیمیزدن گلجیینه یاییملانماسینا یاردیمجینیز اولاریق.
سیته‌میز گونجل بیچیمده سیز سایین قوللانیجی‌لارا سؤزلوک خیدمتی وئریر آنجاق هله‌لیک تورکجه-تورکجه اولان بو سؤزلوک گله‌جکده بو سؤزلوگون تورکجه-فارسجا بؤلوموده آچیلا‌جاق‌دیر، و سیز دیرلی قوللانیجی‌لاریمیز گونجل شکیلده آرادیغینیز هر بیر سؤزون آنلامین سیته‌میزدن آلابیلجکسینیز.
سیته‌میزین آدینا گؤره
توروز آدینا گلینجه ، بو سؤز تبریزدن گئچن "مارکوپولو"نون یازقیلاریندان بلیرلنن آینا‌لی داغ‌لارین آدینا وئریلمیش‌دیر . توروز تورکجه بیر سؤزدور و آنلامینا گلینجه آلا بویاسینا ماییل اولان بیر بویا آدی‌دیر. بو اوزدن تبریزده یئرلشن بو داغ‌لارین آدی گئچمیشده توروز دئمک اولار.
اوموروق کی بو سیته سیز دیرلی و سایین اوخوجولار یاردیمییلا دیلیمیزین و کولتوروموزون گلیشمه‌سی و یوکسلیشی یولوندا بیر آددیم گؤتوربیلسین.
توروز سیته‌سی
حسن بیگ هادی
ایلیشگی:
h.beyhadi{at}gmail.com
-
بیزه گؤره
| Bey_Hadi-Ozkechmish-Ebced-Tukce.pdf | |||
|---|---|---|---|
| اوخو ائندیر | |||
| حجم: | فورمات : Pdf | گؤرونتولندی : 2029 | خطانی بیلدیرمک |
| Bey_Hadi-Ozkechmish-Ebced-Tukce.docx | |||
|---|---|---|---|
| اوخو ائندیر | |||
| حجم: | فورمات : Docx | گؤرونتولندی : 1678 | خطانی بیلدیرمک |
