بؤیوك بابام بیر زمان«ترك» كندیندن [میانانین كندلریندن] كؤچوب  عایله­سی ایله برابر تبریزده سرخاب محله سینده یورد سالمیش ایدی.

من 1282(شمسی) ایلنده هامان بابا یوردوندا آنادان دوغولدوم، آتام آلیش - وئریشچی ایدی. اونو بیر پائیز گونو، تبریز بلواسیندا اؤلدوردولر. آتام دان سونرا چتینلیك­لره دچار اولدوق.

من آلتی یاشندان اعتباراً ملا مكتبخانالاریندا و سونرا یئنی اصول ایله آچیلان مدرسه­لرده تحصیل ائتدیم.ایلك تحصیلاتیمی بیتیریب «مدرسه مباركه محمدیه» آدلی «لیسه»ده [دبیرستان] قبول اولونوب، 1304 شمسی ایلنده دیپلم آلیب  كوردستاندا كورد آغالاری­نین اوشاقلارینا معلم­لیك ائدیب، آز ـ چوخ عوثمانلی قیزیل لیره­سی بریكدیریب [توپلاییب] و او پول ایله 1306 شمسی ایلین ده روسیه طریقی ایله استانبولا گئتدیم. استانبول دا اؤز امگیم­له یاشایب، بوش واختلاریم دا «دبستان ایرانیان»دا فارس دیلی و ادبیاتی تدریس ائدیردیم. 1930 میلادی ] 1309ش[ ایلینده استانبول اونیورسته­سینه  یازیلدیم.1933 ]1312ش[ نجو ایلینده جغرافیا علملری رشته­سینده لیسانس دیپلومو آلماغا ناییل اولوب، بیر ایل سونرا وطنه قاییتدیم. 1313 شمسی ایلندن اعتباراً زنجان دا و قزوین ده تدریس ائتدیم. 1317 شمسی ایلنده تبریزده اول دبیرستان نظام دا و بیر ایل سونرا دبیرستان فردوسی ده معلم­لیك ائتدیم.

1325 ایلین قیشیندا مدرسه­دن قووولدوم. گناهیم بو ایمیش كی؛ آنا دیلنده شعر و حـكایه­لر یازمیش ایدیم. بیر مدت سونرا منی اردبیله سورگون ائتدیلر. اورا دا شاه قولدورلاری طرفیندن «تحت نظرده» اولوب، صفویه مدرسه­سینده تدریس ائدردیم. اردبیلده اوچ ایل