Kitabi Dədə Qorqud Dastanlarının Dili

Ə.M Dəmirçizadə

İyirmi ilə yaxın bir zaman bundan əvvəl "Azərbaycan ədəbi dili tarixi xülasəlari" adlı kitabımda "Kitabi-Dadə Qorqud" dastanları şifahi ədabi dilimizin ilk abidələrindən sayılaraq onun dil xüsusiyyətlərinə 17 səhifə həsr edilmişdir.

Böyük Vətən müharibəsi illərində, mə'lum olduğu üzrə, bu sətirlərin müəllifi Dədə Qorqud dastanları əsasında "Dədə Qorqud" librettosu, "Qaraca Çoban" pyesini yazmış və o zaman milli operamızın banisi Ü. Hacıbəyov bu əsərlərə tamaşa etdikdən sonra müəllifi təbrik edərək "Dədə Qorqud dastanları opera üçün çox münasib və zəngin bir mə'xəzdir"- demişdi, bu mövzuda opera yazmaq fikrinə də düşmüşdü.

Böyük Vətən müharibəsi illərində bir çox mütəxəssislərimizi məşğul edən mövzulardan birisi də xalqımızın keçmişi, xüsusən onun qəhrəmanlıq səhifələri olmuşdur.

"Kitabi-Dədə Qorqud" qəhrəmanlıq dastanları olduğu ki-mi, ümumxalq Azərbaycan dilinin ilk təşəkkül dövrünü aydınlaşdırmaq üçün də çox zəngin və dolğun, həm də dürüst faktlar verən bir abidə olaraq o dövrdə müəllifin tədqiq etdiyi mühüm mənbələrdən biri olmuşdur və oxuculara təqdim olunan bu əsər də məhz bu dövrdə yazılmışdı..