Orta Əsirlər Azərbacan Ayiləsi Şirin Bunyadova

اورتا عصرلر آذربایجان عاییله سی شیرین بونیادوا

« اورتا عصر آذربايجان عايله سي » كتابيندا خلقيميزين اورتا عصرلرده كي عايله و عايله معيشتي مسئله لري اطرافلي شكيلده ايشيقلانديريلميشدير. اثرده عايله نين قورولوشو، نكاحين نؤعلري و نكاحاگيرمه فورمالاري، توي مراسمي ايله علاقه دار اجرا اولونان مختلف مراسملر (قيزبه ينمه، آغيزآراما، ائلچيليك، نشان، خناياخدي)، حمام مدنيتي، چيله كسمك آييني، آد قويما مراسمي، عايله تربيه سي، دايه ليك، قوناقسئورليك، سنت، طلاق، دفن عادتي ايله باغلي مسئله لر هرطرفلي آراشديريلير.

معاصر دؤوروموزده ميللي اويانيشلا باغلي اولاراق قديم تاريخيميزه حدسيز ماراق يارانميشدير. بو ماراق نينكي آذربايجانين تاريخ علمي، ائلجه ده اونون تركيب حيصه سي اولان ائتنوقرافييا علمينين اينكيشاف ائتديريلمه سي اوچون تكان وئريجي قوه اولا بيلر. علمين هرطرفلي اينكيشافيندا قديم تاريخيميزين احاطه لي شكيلده آراشديريلماسي مهم اهميت كسب ائدير. بو پروبلئم بير سيرا مسئله لرين اورتايا چيخماسيندا بؤيوك اهميته ماليكدير. دئمه لي، بيزدن چوخ-چوخ قاباقكي نسللرين زنگين ارثيني اؤيرنمك ائتنوقرافييا علمينين داها دا گئنيش اينكيشافيني تامين ائده بيلر.