Cavad Heyət

Türk Dilləri Və Ləhcələrinin Tarixi 1

Kitabda qədim və zəngin tarixə malik türk dillərinin inkişaf mərhələləri geniş şəkildə araşdınlıb. Müəllif müxtəlif qaynaqlara istinad etməklə, lap qədimdən başlayaraq, müasir dövrə kimi türk dillərinin inkişaf prosesini izləmiş, keçdiyi inkişaf mərhələlərini konkret faktlar əsasında təhlil etmişdir.

Əsərdə dil faktlarının təhlilində türk xalqlarının müştərək dil abidələrindən gətirilmiş nümunələrdən geniş istifadə olunmuşdur. Türk dillərinin ən qədim monumental yazılı abidələri olan Orxon- Yenisey daş kitabələri, "Divani-lüğot-it-türk", "Qutadqu bilik", "Dastani-Əhməd Horami" və b. dil faktları baxımından araşdırmaya cəlb edilmişdir.

Müəllif türk dillərinin təsnifatına, quruluş xüsusiyyətlərinə xüsusi diqqət yetirmişdir.

Böyük və gərgin zəhmət hesabına ərsəyə gətirilmiş əsərdə türk dilləri vahid bir dil qrupu kimi tədqiq olunmaqla yanaşı, türk dillərinin dialektləri də geniş şəkildə araşdınlmışdır. Türk dillərinin dialektlərinin leksik, fonetik, morfoloji və qrammatik xüsusiyyətləri diqqətçəkən bir səviyyədə tədqiq edilmişdir.

Müəllifin xahişini nəzərə alaraq, əsərin dil və üslubuna toxunulmamış, coğrafi adlar da tarixilik və dünyəvilik prinsipi baxımından orijinalda olduğu kimi saxlanılmışdır.

İnanırıq ki, əsər oxucular tərəfindən maraqla qarşılanacaq, türkologiya elminə dəyərli bir töhfə kimi dəyərləndiriləcəkdir.