Yetmişinci illərdən bəri ozan-aşıq yaradıcılığına dair araşdırmaların bir məcraya gətirilınəsi, iki cilddə nəşr olunması, bizcə, araşdırıcılar, ali məktəb tələbələri və başqa aşıq sənəti maraqlıları üçün çox faydalı olacaqdır.

            «Dədə Qorqud» boylarının,       «Arzu-Qombor»

dastanlarının, «Əs li-Kərəm» dastanı, «Mirzə Səməd və Sarıtel» kimi hələ təkamül dövrünü yaşayan dastanların Azərbaycan folklorundakı yeri çox şey deyir.

«Dədə Qorqud» və «Koroğlu» epos-dastanlarının əfsanə qaynaqları və s. problemləri haqqındakı yazılar araşdırıcıların əlindən tutacaq, bir sıra qaranlıq məsələlərə aydınlıq gətirəcəkdir.

Ustad sənətkarlardan Miskin Abdal, Yetim Aydın, Ağqızoğlu Piri, Uğurluoğlu Cəfər, Güvəndikli Əhməd, Tifil Əsəd və başqaları haqqında ilk sözü də respublikamızın mərkəzi qəzet və jurnallarında biz demişik. Bu, ikicildlik «Ozan-aşıq yaradıcılığına dair araşdırmalar» kitabına daxil edilmiş ustad aşıqların haqqında olan araşdırmalar gələcəkdə «Aşıq yaradıcılığı tarixi» haqqında yazılacaq kitabların tamamlanmasında bolluca material verəcəkdir. Bu məqalələr toplusu tarixilik baxımından bizim ayrı-ayrı sənətkarlar haqqında dediyimiz elıni mülahizələri göz önünə gətirməkdən əlavə, bundan sonra yaranan əsərlərdəki istiqamətlərdə öz qiymətini alacaqdır. Araşdırıcılar son dövrlərdə ayrı-ayrı ustad sənətkarlar haqqında deyilən fikirlərin təzə olınadığının və 20-30 il bundan əvvəl deyildiyinin şahidi olacaqdır.

Bu ikicildlik «Ozan-aşıq yaradıcılığına dair araşdırmalar» türk dünyasında aşıq sənəti araşdırıcıları və ali məktəb tələbələri üçün ən dəyərli elıni vəsait kimi diqqəti cəlb edəcəkdir. Biz bunları onların ixtiyarına veririk...