Son illərdə mədəniyyətimizin, ədəbiyyatımızın və incəsənətimizin  inkişafına dövlət səviyyəsində göstərilən qayğının tərkib hissəsi kimi, aşıq sənətinə də böyük diqqət yetirilir.

Dövlət başçısının və ölkəmizin birinci xanımı, Millət vəkili, Heydər Əliyev Fondunun prezidenti, YUNESKO və İSESKOnun xoşməramlı səfiri Mehriban xanım Əliyevanın aşıq sənətinin qorunması, inkişafı və təbliği istiqamətində yorulmaz fəaliyyəti nəticəsində 2009-cu ildə Azərbaycan aşıq sənətinin YUNESKO-nun Qeyri-maddi mədəni irs üzrə siyahısına daxil edilməsi də elə bu qayğının nəticəsidir. Bu gün Azərbaycan aşıq sənəti dünya qeyri-maddi irsinin inciləri sırasında özünün layiqli yerini tutub, sazımızın səsi yüksək səviyyəli  beynəlxalq tədbirlərdən - Parisin, Londonun və Avropanın digər şəhərlərinin möhtəşəm salonlarından gəlir.

Azərbaycan Aşıqlar Birliyi Mədəniyyət və Turizm Nazirliyinin dəstəyinə arxalanaraq aşıq sənətinin bugünkü problemlərinin çözülməsi, bu sənətin inkişafında böyük xidmətləri olmuş ustad sənətkarların yubileylərinin keçirilməsi, onların kitablarının nəşr edilməsi, xatirələrinə həsr olunmuş kitabların yazılması istiqamətində mühüm işlər görür, gənc aşıq